By: JoMaque | Marso 14, 2020

Iloilo City — Wala sang “lockdown” sa Iloilo suno kay Iloilo City Mayor Jerry Treñas.

Ini ang pag-athag sang alkalde kasunod sang iya ginpaguwa nga Executive Order 49 kahapon nga nagaplastar sang dugang nga mga tikang agud malikawan ang COVID-19.

Suno kay Treñas, ginpasuspender lang ang mga klase kag ginapabuhinan ang mga aktibidad sa malls, bars, coffee shops, computer shops kag kapareho nga mga establisemento sa sulod sang 14 ka adlaw halin Marso 16 tubtob 31.

Magluwas pa diri, ginhingyo ang mga lider sang religious sector nga i-review ang ila paghimo sang church services, kag tun-an ang posibilidad nga mag-live streaming.        

Ginmanduan nga magapatuman sang EO ang Public Safety and Transportation Management Office kag Iloilo City Police Office.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply