RDRRMC Operation Center, ipa-idalum sa blue alert status bangud sa COVID-19

By: JoMaque | Marso 14, 2020

Iloilo City – Nagpaguwa sang Memorandum si Regional Disaster Risk Reduction and Management Council VI Chairperson Jose Roberto Nuñez para sa mga vice chairpersons kag members sang RDRRMC VI kag chairpersons sang provincial/city/municipal DRRMC councils kag BDRRMC committees.

Nabutang sa Memo. No. 39 Series of 2020 nga ginpaguwa subong nga adlaw nga ipa-idalum sa BLUE ang alert status sang RDRRMC Operation Center sugod las-8 sa aga buwas, Marso 14, bangud sa COVID-19.

Sa Blue Alert Status, gina-require ang AFP, PNP, Coast Guard kag BFP nga magbutang sang detailed duty officers sa RDRRMC Operation Center agud masiguro ang koordinasyon, monitoring kag consolidating sang reports.

Ginapasumiter sang regular report sa RDRRMC OPCEN ang mga local DRRM Councils.