By: JoMaque | Marso 16, 2020

Aklan—Nagpatuman sang border restriction si Aklan Governor Florencio Miraflores bilang precautionary measure sa COVID-19 threat.

Sa gin-issue nga Executive Number 19 ni Governor Miraflores subong nga adlaw, gindumilian ang tanan nga makasulod sa Aklan luwas lang sa mga masunod;

a.) Akeanon (ginbun-ag sa Aklan , residente ukon nagatrabaho sa Aklan, ginkasal sa Akeanon, kag mga estudyante nga naga-eskwela sa Aklan)
Kinahanglan nila magdala sang proof of residency sa probinsya. Dugang diri, kinahanglan man mag-observe sang 14-day mandatory quarantine ilabe ang naghalin sa mga lugar nga may local transmission sang COVID-19.

b.) Mga indibidwal nga may kaangtanan sa pag-deliver sang goods kag commodities kasubong sang pagkaun, gatong, bulong, animal food, medical supplies, medical equipment kag construction suppliers
Kun pakadto sila Aklan, ginadumilian sila nga magpanaug sa ila salakyan. Ang mga consignee ang ma-unload sang goods

c.) Luwas lang kun gindumili sang National Government, ginapahanugutan ang mga indibidwal nga halin sa luwas sang pungsod ukon may travel history sa sulod sang 14 adlaw sa iban nga mga pungsod nga may local transmission apang kinahanglan nila mag-quarantine sa sulod sang 14 diyas kag sila ang magastos para diri

d.) Medical doctors nga naga-obra sa probinsya

e.)National government officials and employees, miembro sang PNP, AFP, BFP, PCG kag medical practitioners nga deployed sa Aklan natuhoy sa COVID-19 threat

f.) Returning medical personnel nga nag-upod sa mga pasyente nga gindala sa luwas sang Aklan

g) Returning officials ukon empleyado sang Provincial, Municipal, ukon Barangay Governments nga nakabyahe sa luwas sang probinsya natuhoy sa COVID-19 ukon sa pagmentinar sang kalinong uko katawhay

h.) Mahimo i-authorize sang gobernador ang pagsulod sa Aklan sang iban pa nga mga indibidwal sa mga extreme cases natuhoy sa health, safety, security, kag commerce. Kinahanglan nila magpaidalum sa mga required protocols

Wala naman sang restriction sa paguwa sa Aklan apang indi na sila pagpahanugutan nga makabalik sugod sa Marso 16 tubtob Abril 15 nga date of effectivity sang EO luwas sa nasambit nga mga exemptions.

Suspended man ang klase sa tanan nga level sa pribado kag pampubliko nga mga eskwelahan sugod Marso 16 tubtob Abril 15.

Ginmanduan naman ang mga pharmacies nga magbaligya sang bulong sa minimum nga numero sini nga na-specifiy sa prescription.

I-implementar man ang four-day work week sa Provincial Government kag gina-abiso ini nga i-implementar man sa mga banwa kag barangay.

Nagpangayo sang bulig si Governor Miraflores sa Philippine National Police, Philippine Coast Guard, Aviation Security Group, Bureau of Quarantine kag iban pa nga mga law enforcement agencies sa pag-implementar sang EO.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply