By: Aine Grace Bravo | via Jaro Archdiocese

ILOILO City, March 16, 2020 — Kanselado ang mga misa sa idalum sang Jaro Archdiocese sugod Marso 18, bilang pagsunod sa DOH guidelines batuk sa COVID-19.

Kanselado man ang iban pa nga mga aktibidad sang simbahan, lakip ang mga aktibidad sa Semana Santa. Suno kay Father Jonick Teritorio, ginapanan-aw nga alternative ang pagmisa paagi sa radyo, telebisyon kag internet.

Ginakumbinser ang mga mapakasal nga ipaiway ang event samtang wala pa ma-stabelize ang sitwasyon.

Samtang sa misa sa lubong, pwede nga hiwaton na lang sa balay ukon pwede dal-on sa simbahan ang bangkay para sa blessing pero pamilya lang ang matambung.

Kanselado bisan ang confession, magluwas lang kun emerhensya nga tagumatayon na ang makumpisar kag kadtuan sang pari.

Ginalaygayan sang simbahan ang mga tumuluo nga i-practice ang precautionary measures nga ginplastar sang DOH agud mabatuan ang COVID-19.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.