By: JoMaque | Marso 16, 2020

Roxas City – Nagpatuman sang border security kag quarantine protocol si Roxas City Mayor Ronnie Dadivas bilang precautionary measure sa COVID-19 threat.

Sa Executive Order Number 13 ni Mayor Dadivas nga gin-issue kahapon, ginmandu niya ang pagpaserado sang tanan nga mga seaports, wharfs, kag iban pa nga mga point of entry sa Roxas City sugod kahapon.

Ginpahanugutan naman ang mga cargo vessels nga mag-unload apang gindumilian ang mga opisyal kag crew nga magpanaug.

Isa lang ka driver kag duha ka helpers ang ginpahanugutan nga makasulod sa kada cargo vessel kag kinahanglan nila i-subject sa quarantine protocols.

Istrikto nga ginadumilian ang mga non-conventional vessels nga magdungka ukon mag-unload sang mga pasahero sa seaports, wharfs, kag sa diin nga point of entry sa Roxas City.

Kinahanglan man magsunod sa security kag quarantine protocol sang tanan nga mga driver sang salakyan.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply