By: JoMaque | Marso 17, 2020

Antique — Nagpatuman ang Antique Provincial Government sang border restriction ukon paglimita sa pagbiyahe halin kag pakadto sa probinsya umpisa subong nga adlaw, Marso 17 tubtub Abril 15.

Ini bangud sang COVID-19 threat suno kay Antique Governor Rhodora Cadiao.

Base sa gin-issue nga Executive Order ni Cadiao, ang mga exempted sa limitasyon sa pagbiyahe ang;

a.) Government officials kag employees nga nagabiyahe bangud sang ila trabaho

b.) Government kag private medical personnel ukon health worker nga may emergency health services

c.) Government and private employees nga naga-estar sa guwa sang probinsya sang Antique pero nagatrabaho sa Antique subong man ang mga naga-estar sa Antique pero nagatrabaho sa guwa sang probinsya

d.) Mga indibidwal nga lisensyado sa pag-engage sa negosyo, komersyo ukon industriya sa guwa sang Antique nga nagahimo sang transaksyon

e.) Lisensyado nga mga entrepreneurs, suppliers kag sellers sang food items, bulong kag iban pa nga basic necessities, lakip man sa mga hardware kag construction materials, nga naga-deliver sang ila mga produkto kag pabalik sa ila lugar

Pangunahan sang pulis ang borderline base sa nahisugtan sa RDRRMC meeting.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply