By: JoMaque | Marso 17, 2020

Iloilo City— Gin-anunsyo ni Father Clasico Nufable sang Arevalo Parish ang pila ka mga pagsulundan nga ipatuman sa pag-obserbar sang Semana Santa sa Arevalo agud makalikaw sa contact bangud sa pamahog sang COVID-19.

Pila sa mga ginbag-o ni Father Nufable amo ang indi na magpang-bendisyon sang ramos sa guwa sang simbahan.

Wala naman sang prusisyon sa Biernes Santo kag indi na magpahaluk sa mga santos sa sulod sang simbahan.

Imbes nga maghalok, ginpanugyan ni Nufable nga mag ‘bow’ na lang sa atubang sang kahoy nga krus sa Biernes Santo. Wala naman sang apostoles nga magalibot sa mga barangay.

Sa pihak sang padayon nga paglapta sang coronavirus disease, ginhingyo ni Nufable ang mga tumuluo nga magpangamuyo.

Mas maayo nga mag-rosaryo adlaw-adlaw upod ang pamilya kag likawan man ang pagguwa sa balay kun indi man lang importante.

Ginpahayag man sang pari nga wala nagapamilit ang simbahan nga magsimba kada Domingo. Indi man sala kun indi makakadto sa simbahan ang tumuluo.

Pwede man suno sa iya nga makapamati sa radyo ukon makalantaw sang live coverage sang misa sa Facebook ang mga indi na luyag magkadto sa simbahan.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply