By: JoMaque | Marso 17, 2020

Iloilo City – May i-deploy nga tinawo halin sa City Health Office (CHO) agud mag-check sa temperature sang mga pasahero halin sa Guimaras nga masulod sa Iloilo City.

Ini ang ginpahayag ni Iloilo City Mayor Jerry Treñas bangud sa ipatuman nga border restriction sa Iloilo agud malikawan nga makasulod ang coronavirus disease sa Panay kag Guimaras.

Ginbuksan ang siyudad sa taga-Guimaras, pero kinahanglan sang isla nga magpanirado sang ila border sa iban nga probinsiya.

Suno kay Treñas, bukas ang siyudad sa taga-Guimaras samtang wala sang kumpirmado nga kaso sang COVID-19.

Ginpabutyag sang alkalde nga indi gid pagpasugtan ang mga “indi normal” ang body temperature nga makasulod sa syudad kag pabalikon sila sa isla.

Plastado na suno sa iya ang mga empleyado nga i-deploy sa mga pantalan.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply