By: Aine Grace Bravo | via KhenJo Terco

ILOILO CITY, March 17, 2020 — Nagsaka sa 71 halin sa 65 ang numero sang Patients Under Investigation (PUIs) sa Western Visayas nga na-record sang Department of Health (DOH) 6.

Ginpahayag ni Dr. Mary Jane Juanico, head sang Infectious Diseases Section sang DOH 6, nga sa 71 ka mga PUIs, 44 ang nagnegatibo sa COVID-19 kag na-discharge na; 16 naman ang na-admit sa mga ospital kag ginahulat na lang ang resulta sang test.

Sa 16 ka admitted sa ospital, duha ang halin sa Aklan, isa sa Antique, isa sa Capiz, duha sa Guimaras, lima sa Iloilo Province, apat sa Negros Occidental, kag isa sa Iloilo City.

Samtang nagsaka man ang numero Persons Under Monitoring (PUMs) sa Rehiyon VI.

Halin sa may 3,673 na ka PUMs tubtob Marso 17. 1,137 sa mga PUMs ang halin sa Aklan; 244 sa Antique; 237 sa Capiz; 107 sa Guimaras; 1,042 sa Iloilo Province; 554 sa Negros Occidental; 122 sa Bacolod City kag 230 sa Iloilo City.

Nagdamo ang PUMs suno kay Dr. Juanico bangud madamo ang nagpalauli halin sang nagpatuman sang community quarantine ang Metro Manila.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.