By: JoMaque | Marso 18, 2020

Iloilo City — Wala pa naga-epekto ang Curfew Ordinance nga ginpasar sang Iloilo City Council kahapon bilang isa sa mga tikang nga maproteheran ang syudad sa COVID-19.

Pag-athag ini ni Mayor Jerry Treñas. Suno sa alkalde, i-transcribe pa ang ordinansa kag posible mapadala sa iya opisina sa Huwebes para pirmahan. Gin-athag ni Treñas nga ipreparar pa ang implementing rules and regulations sang ordinansa agud malikawan ang mga pagsalangisag kag problema.         

Base sa ordinansa, ipatuman ang curfew halin las-otso sa gab-i tubtob las-singko sa kaagahon.

Dumilian ang paglagaw sa mga dalan, highways, public alleys, commercial establishments, recreation centers, mga balay ilimnan, malls, iban pa nga baligyaan ukon lugar sa guwa sang pamalay, magluwas lang kun may emergency, mabakal sang pagkaon, bulong, ukon iban pa nga basic necessities kag prime commodities.

Exempted naman ang mga nagatrabaho sa guwa sang curfew hours; mga nagapauli halin sa ila trabaho; health workers; authorized government officials; nagabiyahe para sa medical ukon humanitarian reasons; mga naga-transit sa airport ukon seaport facilities; mga nagahatag sang basic services kag public utilities; mga naga-deliver sang pagkaon kag bulong; essential skeletal workforce sang City kag Provincial Government kag Public Transport Services nga ideterminar sang PSTMO.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply