By: JoMaque | Marso 18, 2020

Miag-ao-Iloilo — Nagboluntaryo sa paghimo sang mga improvised face shields ang mga estudyante sang UP Visayas sa Miag-ao nga na-stranded sa ila mga dormitories bangud sa nakanselar nga mga flights, border restrictions kag community quarantine.

Suno kay Adrian Camposagrado, Chairperson sang University of the Philippines Visayas-University Student Council, ginpondohan sang Philippine College of Physicians sa bulig sang iloy sang isa pa ka estudyante nga si Hannah Labrador ang mga materials nga gingamit sa paghimo sang improvised face shields.

Nag-abot kahapon sang hapon, Marso 17, ang mga materials sa Miag-ao kag masobra 100 ka shields na ang nahimo sang mga estudyante sa sulod lang sang pila ka oras.

Ini ang contribution sang mga estudyante para sa mga health workers nga isa sa pinaka-vulnerable nga sektor sa tunga sang gina-atubang nga health crisis dala sang COVID-19 pandemic.

“The health sector needs more help and protection than ever!” suno kay Camposagrado.

“Salamat sa patuloy na pagseserbisyo sa masang Pilipino, maam sers sa mga ospital, kilinika at mga kabaranggayan,” dugang ni Camposagrado.

Para sa mga luyag mag-donate, mahimo makapakig-angut kanday Camposagrado kag Labrador sa Facebook.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply