Pagdumdom sa ika-75 nga anibersaryo sang Liberation of Panay, Guimaras and Romblon sa Philippine Veteran’s Cemetery subong nga adlaw, kanselado bangud sa COVID-19 threat

By: JoMaque | Marso 18, 2020

Iloilo City — Kanselado ang mga aktibidad may kaangtanan sa 75th Liberation of Panay and Romblon nga hiwaton sa Philippine Veteran’s cemetery sa Jaro subong nga adlaw.

Kasunod man ini sang executive order nga ginpagwa ni Gov. Arthur Defensor nga naga-suspend sang public gatherings, suno kay Mr. Noel Biscocho, Shrine Curator kag OIC sang Philippine Veterans Affairs Office, Field Services Extension Office 6.

May coordination man nga ginhimo sa National Historical Commission of the Philippines.

Suno kay Biscocho, ang NHCP ang nagapanguna sang mga aktibidad sa pungsod kag nagasuporta lang ang PVAU sa pagpreparar sang site sang kahiwatan.

“End of world war two in the Philippines” ang tema sang anibersaryo subong nga tuig, suno kay Biscocho.

May yara kuntani flag raising ceremony, wreath-laying ceremony sa Tomb of the Unknown kag Wall of Memory pero indi na madayon.

Madayon naman ang flag raising ceremony pero tambungan lang sang indi magnubo sa 15 ka mga personnel sang cemtery.