By: Aine Grace Bravo | via DOH

MANILA, March 19, 2020 — 15 ka bag-o nga kumpirmado nga kaso sang COVID-19 ang na-record sa pungsod, nga nagdala sa kabug-usan nga kaso sa 217.

Nagsaka naman sa walo ang naka-recover sang nag-ayo na ang bag-o nga pasyente.

Ang pinakaulihi nga naka-recover amo ang 20 anyos nga Filipino halin sa Cavite nga may travel history sa Japan. Nakaguwa na siya sa Research Institute of Tropical Medicine pagkatapos nga nagnegatibo sa COVID-19 sang makaduha ka beses.

Wala na sang dugang nga detalye nga ginhatag ang Department of Health may kaangtanan sa bag-o nga mga kaso, pero nagpaguwa sang correction sa address sang patient 57, ang ika-16 nga napatay bangud sa COVID-19 sa pungsod.

Suno sa DOH, taga-Bulacan kag indi taga-Pasig City ang pasyente.

Nagapabilin sa 17 ang numero sang mga napatay sa virus.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.