Bata sang bombero nagpanawagan sa publiko nga magtinir sa ila balay agud makapauli na ang frontliner niya nga amay
By: Khenjo Terco | Via: Aksyon Radyo Iloilo
Napanawagan ang anum ka tuig nga bata sa publiko nga magtinir sa ila mga balay agud malikawan ang paglapta sang COVID-19.
Sa facebook post sang iloy sang bata makit-an nga may gina-uyatan nga papel ang bata nga may nakasulat nga “My tatay is a frontliner, please stay at home so I could see him soon.”
Suno sa iloy, na-assign sa Sara agud magbantay sa ginapatuman nga boarder restriction ang iya bana nga bombero samtang nagatinir naman siya sa siyudad upod ang ila nga bata.