By: Khenjo Terco |Via Aksyon Radyo Iloilo

Iloilo City – Nag-rikorida ang Iloilo City Police, kagab-i (Marso 22) agud ipanawagan sa mga pumuluyo nga magtenir sa ila balay samtang ginapaidalom ang Iloilo City sa Enhanced Community Quarantine.

Ginasiguro sang kapulisan nga ginasunod sang mga pumuluyo ang ginapatuman nga curfew sang siyudad, suno kay Iloilo City Police Office (ICPO) Spokesperson Capt. Shella Mae Sangrines.

Base sa executive order ni Iloilo City Mayor Jerry Treñas, naga-epekto ang curfew halin las-8 sa gab-i tubtob las-5 sa kaagahon sa siyudad. Ginpahayag ni Sangrines nga katuyuan sini nga matapna ang paglapta sang coronavirus disease (COVID-19) sa siyudad.

Nag-apelar man si Sangrines nga sundon ang mga panugyan sang mga otoridad bangud may pila ka residente suno sa iya nga ginapalumbos lang ang mga pulis kag nagaguwa naman sila sa ila mga balay.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply