By: Khenjo Terco | Via Aksyon Radyo Iloilo

Iloilo City– Dapat nga magpakita sang quarantine pass sa mga checkpoints ang mga residente sang Iloilo City kag pati man ang mga taga probinsya nga nagasulod sa siyudad sang Iloilo.

Suno kay Mayor Jerry Treñas, ang quarantine pass ang gina-issue sang mga barangay officials. Dapat may pangalan kag may oras kun san-o maguwa kag mabalik sa barangay nga nakabutang sa pass.

Isa lang kada pamilya ang pwede makakuha apang kun may pagkinahanglan pareho sa pag upod sa mga mapa-check up, kinahanglan man magkuha sang pass ang upod.

Ginpahayag man sang alkalde nga ang mga residente sang syudad ang kinahanglan man nga magkuha bangud may mga checkpoints nga himuon ang PSTMO kag kapulisan. Indi pagpahanugutan nga makalabay sa checkpoint ang wala sang may mapakita nga quarantine pass.

Ang mga maguwa sa syudad ang kinahanglan man magpakita sang quarantine pass. Ang validity sang quarantine pass ang tubtob sa Abril 14.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply