The Medical City-Iiloilo, ginkasubo ang pagdumili sa ila mga medical personnel nga magbakal sa tiyangge sang barangay kagawad sa Molo
By: Khenjo Terco | Via Aksyon Radyo Iloilo
Iloilo City – Ginkasubo sang tagdumalahan sang The Medical City – Iloilo ang pagdumili sa ila mga medical personnel nga magbakal sa tiangge sang barangay kagawad sa Tap-oc, Molo.
Suno kay Dr. Felix Ray Villa, chief executive officer sa TMC-Iloilo City, ginarisgo sang mga medical personnel ang ila kabuhi para mabuhi ang iban.
Importante nga ma-edukar ang kaugalingon suno kay Dr. Villa agud mahibaluan kun ano ang gina-obra sang mga medical personnel.
Dugang niya, ang kontra sa subong nga sitwasyon amo ang COVID-19 kag indi ang ‘ignorance’.
Gin-ako ni Tap-oc, Molo Barangay Kagawad Nestor Belleza nga ginpatapik niya ang sulat sa guwa sang iya tiyangge nga nagadumili sa pagbakal sang mga medical personnel sang TMC-Iloilo sa kabalaka bangud may upod siya nga duha ka mga tigulang sa ila balay kag naka-agi man siya stroke rason nga madasig siya nga matapikan sang mga balatian.
Malapit lang ang tiyangge sa TMC-Iloilo.