By: Khenjo Terco | AksyonRadyoIloilo

Iloilo City — Gin-amend sang Iloilo City Council ang Anti-Discrimination Ordinance sa siyudad.

Suno kay Councilor Jay Treñas, wala nalakip sa ordinansa ang mga healthcare workers kag frontliners.

Bangud diri, gin-amend ang nasambit nga ordinansa agud ilakip ang nasambit nga mga professions kasunod sang mga impormasyon nga naka-eksperyensya sang discrimination ang mga healthcare workers kag frontliners ilabe na ang mga personnel sang The Medical City sa diin na-admit ang labing una nga COVID-19 patient sa Iloilo.

May penalidad sa mga maga-discriminate sa amo nga profession.

Base sa gin-amend nga ordinansa, para sa first offense, magabayad sang P1,000.00 nga penalidad ang mapamatud-an nga nagapang-discrimate.

Sa second offense, may penalidad nga P2,000.00 kag pagkapreso sang indi magsobra sa napulo ka adlaw kag sa third offense, may penalidad nga P5,000.00 kag 15 days nga pagkapreso. �nonicd

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply