By: Khenjo Terco | Via Aksyon Radyo Iloilo

Iloilo City—Lima ang arestado kag isa ang nakapalagyo sa entrapment operation sang gintingob nga pwersa sang Mandurriao Police kag CIDG-6 sa Barangay Tanza Bonifacio, City Proper kagab-i.

Gin-entrap sanday Angel Jamolo, 23; kag ang nakapalagyo niya nga live-in partner nga si Kiefer John Vera sang amo man nga lugar sang nakabaton sang report ang Mandurriao Police kag CIDG-6 nga nagabaligya sang alcohol ang duha nga wala sang permiso kag rehistro.

Gindakop man ang gintudlo nga kaupod nila nga sanday Drecel May Castro ; Jennifer Fraico; Arlene Veras kag Ernalen Veras.

Kapin sa 70 ka litro sang alcohol ang gintransaksyon sa mga nagkaladakpan sa balor nga P20, 300.

Ginatudlo nila nga supplier si Condrado Sorongon Jr sang Buhang, Jaro kag gin-alegar nagatrabaho sa Western Visayas Sanitarium Hospital sa Santa Barbara.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply