By: Khenjo Terco | AksyonRadyoIloilo

Iloilo City –- Gina-finalize na ang plano nga pag-deploy sang modernized jeepneys sa mga ospital sa syudad nga masakyan sang mga health workers nga frontliners sa mga pagtinguha agud mapunggan ang paglapta sang COVID-19.

Ginkumpirmar ni Public Safety and Transportation Management Office (PSTMO) head Jeck Conlu nga may inisyal na nga pag-istoryahanay sa kooperatiba nga may modernized jeepneys.

Kun ma-finalize na ang tanan kag may nagakaigo nga units, iga-assign ang tag-duha ka modernized jeepneys sa kada ospital.

May naka-standby man nga units sa City Hall nga mahimo i-request nga masakyan sang mga naga-duty kun gab-i.

Wala pa madiskusyunan ang plete, pero ginalauman ni Conlu nga mangin libre ini para sa mga health workers.

Ang mga health workers suno kay Conlu amo ang mga nagatrabaho sa ospital kag pharmacy.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply