By: Khenjo Terco | Via Aksyon Radyo Iloilo

Iloilo City – Duha ka bag-o nga kaso sang coronavirus disease (COVID-19) ang na-record sa Western Visayas.

Ini ang ginkumpirmar ni Department of Health (DOH) 6 Director Marlyn Convocar sa press conference upod ang Inter-Agency Task Force kag RDRRMC kahapon sang hapon (March 24).

Nagdugang sa listahan ang patient 3 nga babaye nga taga- Iloilo City nga naga-edad sang 61-anyos kag patient 4 nga lalaki nga taga-Jamindan, Capiz nga naga-edad sang 45-anyos.

Pareho nga may travel history sa Manila ang duha ka bag-o nga mga pasyente, dugang pa ni Convocar.

Bangud sini, apat na ang kumpirmado nga kaso sang COVID-19 sa rehiyon 6.

Una nga nagpositibo sa COVID-19 ang lalaki nga taga-Bacolod City kag sunod nga nakumpirmar ang 65-anyos nga lalaki nga taga-Guimbal, Iloilo. Padayon suno kay Convocar ang contact tracing sa nagka-contact sa mga pasyente.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply