By: Khenjo Terco | Via Aksyon Radyo Iloilo

Iloilo City — Gin-hold sa Iloilo City Freedom Grandstand ang 28 ka mga indibidwal nga naglapas sa curfew nga ginapatuman sa siyudad sang Iloilo bangud sang enhanced community quarantine.

Suno kay Major Francisco Paguia, hepe sang Police Station 1, paglagaw kag pagtambay ang kalabanan nga rason sang mga nadakpan kag may ara man nga wala nakahibalo sang curfew halin 8:00 PM tubtob 5:00 A.M.

May duha man ka indibidwal nga nagdepensa mabakal sang isda sa Iloilo Fishing Port apang wala sang may ginpresentar nga ID.

Suno kay Major Paguia, gin-hold sang duha ka oras sa Freedom Grandstand ang mga nadakpan kag gin-paathagan sang importansiya sang curfew kag sang enhanced community quarantine.

Gin-refer sa mga punong barangay ang mga ginpang-hold.

Suno kay Paguia, ini ang paandam sa mga may tuyo maglapas sa curfew bangud kun madakpan, pasakaan sila sang kaso sa mandu man ni ICPO Dir. Col. Eric Dampal.

Photos from P Captain Shella Mae Sangrines/ ICPO

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply