By: Aine Grace Bravo | via DOH

MANILA, March 26, 2020 — 71 ka bag-o nga kaso sang COVID-19 ang nadugang sa record sang Department of Health subong nga adlaw.

Suno kay DOH Secretary Francisco Duque III, 707 na ang kabug-usan nga positibo nga kaso sang COVID-19 sa pungsod.

Pito ang nadugang sa numero sang mga napatay, ukon 45 na ang death toll sang COVID-19. Napatay sanday patients 278 sang San Juan City, 540 sang Pasig City, 636 sang Pampanga, 600 sang Sultan Kudarat, 354 sang Rizal, 327 sang Laguna kag 321 sang Rizal.

Samtang may duha ka nadugang sa naka-recover, ukon 28 na ang naka-recover sa balatian. Naka-recover patients 112 sang Makati City kag 28 sang Marikina City.

Ginsulit ni Duque ang panawagan sa mga Filipinos nga sundon ang mga patakaran sa Enhanced Community Quarantine agud malikawan ang paglapta kag pagdamo sang natapikan sang virus.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.