By: Aine Grace Bravo | via DOH

MANILA, March 27, 2020 — 96 ka bag-o nga kaso sang COVID-19 sa pungsod ang nadugang sa record sang Department of Health subong nga adlaw.

Sa data sang DOH, nagalab-ut na sa 803 ang COVID-19 cases sa Pilipinas tubtob las-kuwatro kaina sang hapon.

Siyam naman ang nadugang sa napatay, ukon nagalab-ut na sa 54 ang death toll bangud sa COVID-19 sa pungsod. Kalabanan sa mga napatay ang may mga edad na kag may iban pa nga balatian.

May tatlo ka nadugang sa naka-recover nga sanday patient #4, patient #66 kag patient #42.

Sa 803 ka kaso sang balatian, 31 na ang naka-recover suno sa DOH.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.