By: JoMaque | Marso 28, 2020

Iloilo City — Masobra 100 ang nadakpan sa curfew sa Jaro kagab-i, Marso 27.

Base sa record, halin sa mga Barangay Bitoon, Cubay kag Lanit, Jaro ang kalabanan nga mga nadakpan sa curfew sang Iloilo City police.

Gintipon ang mga violators sa Jaro plaza kag ginpahanumdom nga magtuman sa curfew sa siyudad bangud para ini sa kaayuhan sang tanan agud malikawan ang coronavirus disease (COVID-19).

Kalabanan sa mga ginrason sang mga nadakpan amo ang madag-ub sang tubig mapulupahangin, may ginbakal kag nagkadto sa pihak balay.

Sang tinalikdan nga gab-i, madamo man ang nadakpan sa Mandurriao kag Molo nga naglapas sa curfew.

Ginatugyan ang mga nadakpan sa ila barangay officials matapos ginkuhaan sang detalye sa ila kaugalingon.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply