‘Pagtapos sini, atubangay man ta gihapon’ – Iloilo City Mayor Jerry Treñas sa mga landlords nga nagpahalin sa ila boarders nga health workers

By: JoMaque | Marso 28, 2020

ILOILO CITY – Sukton ni Iloilo City Mayor Jerry Treñas ang mga landlords kag landladies sang boarding houses kag dormitories nga nagpahalin sang mga health workers nila nga boarders sa tunga sang ginapatuman nga Enhanced Community Quarantine bangud sa COVID-19.

Ini ang paandam sang alkalde kasunod sang nabaton nga mga reports sang diskriminasyon sa mga health workers nga frontliners sa pagpakig-away batuk sa COVID-19.

Suno kay Mayor Treñas, patapuson niya lang ang health crisis.

Ginpahibalo naman sang alkalde sa mga health workers nga ginpahalin sa ila gina-istaran nga makig-angut sa City Government bangud bukas ang Iloilo City Community College para ila teniran.

Nagapasalamat si Treñas sa mga nagdonar sang beddings kag iban pa nga kinahanglan sang mga health workers nga naga-tenir sa ICCC.