By: JoMaque | Marso 29, 2020

Ajuy, Iloilo — Indi matuod ang impormasyon nga naglapta nga mapatuman sang total lockdown sa Ajuy.

Ini ang pagtadlong ni Mayor Jett Rojas.

Suno sa alkalde, ginahingyo niya lang ang voluntary nga pag-stay at home sang mga pumuluyo agud malikawan nga matapikan sang COVID-19.

Sa nagakabalaka nga wala sang makaun, ginpahayag ni Mayor Rojas nga ma-supply ang banwa sang tag-25 kilos sang bugas, kag uga, kada bulan. Makabaton sang supply ang kada pamalay nga indi na maguwa sa ila balay samtang ginapatuman ang Enhanced Community Quarantine.

Ginapalista man sang alkalde sa mga barangay officials kun sin-o ang luyag makabaton bangud may nagapabutyag nga indi magkuha sang bugas ukon uga gani maka-save ang banwa kag makadugang sang supply para sa masunod nga bulan.

‘IBAN PA NGA BULIG’

Nakahatag na ang munisipyo sang 2,000 food packs sa most vulnerable sector subong nga semana, kag himuon ini sa sulod sang apat ka semana agud ma-encourage ang pumuluyo nga indi na maghalin sa ila balay.

Nakasugod naman panghatag sang 12 kilos (para sa duha ka bulan) nga bugas para sa mga senior citizens.

Samtang may private donor nga nagdonar sang 100 ka saku sang well-milled rice para sa mga frontliners sang banwa, kag may private individual na nga nagpasalig nga siya ang ma-supply sang bugas sa masobra 300 ka pamalay sa sulod sang isa ka bulan sa island barangay sang Punta Buri nga nag-signify nga magpatuman sang total lockdown.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply