By: JoMaque | Marso 29, 2020

Iloilo — Iloilo — Agaw atensyon sa mga pumuluyo sang Barangay Isian ang improvised hand sanitizers nga may ‘P1,000’ nga ginapanghatag sang Sangguniang Kabataan.

Suno kay Isian SK chairman Bert Joseph Tisara, indi matuod nga kwarta ang ila ginlakip sa improvised hand sanitizer.

Gin-print ang imahe sang P1,000 bill agud makakuha sang atensyon sang publiko.

Sa pagbukas sang nakapilo nga ‘P1,000’, makita ang pahanumdom kun paano malikawan ang COVID-19.

Kun matapikan sang COVID-19, mas masobra pa sa P1,000 ang magastos, suno kay Tisara.

Gina-abisuhan man sang SK ang ginahatagan nga indi pagpahamtang sa lugar nga malab-ot sang kabataan ang improvised hand sanitizers.

Inspirasyon ni Tisara sa lihok ang kasubong man nga creative information dissemination sang SK president sa Tubungan.

Nagapanghatag sang improvised hand sanitizers ang SK sa Tigbauan bilang kabahin sang precautionary measure sa COVID-19.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply