By: Aine Grace Bravo | via BBB

ILOILO CITY, March 30, 2020 — Naga-augment ang Department of Social Welfare and Development (DSWD) 6 sa paghatag sang relief goods kun may kalamidad.

Reaksyon ini ni DSWD 6 spokesperson Mae Castillo sa pahayag ni Iloilo City Mayor Jerry Treñas nga wala nakahatag sang bulig ang ahensya samtang ginapatuman ang enhanced community quarantine bangud sa COVID-19.

Suno kay Castillo, ang papel sang DSWD amo ang pag-augment ukon paghatag sang dugang nga bulig sa local government unit. Kinahanglan lang suno sa iya nga mag-request ang LGU.

“Ang DSWD, when it comes to disaster response, naga-Provide kami sang augmentation. Meaning, dugang nga bulig
kun kinahanglanon sang LGU,” suno kay Castillo.

Nakapaguwa na ang DSWD 6 sang 2,000 family food packs para sa Iloilo City kaina, kasunod man sang request ni Mayor Treñas. Naga-unod ang food pack sang anum ka kilo sang bugas, anum ka sachets sang kape, apat ka lata sang sardinas kag apat ka lata sang corned beef ukon meat loaf.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.