Western Visayas, may 18 na ka COVID-19 cases –DOH
By: Aine Grace Bravo | via DOH
ILOILO CITY, March 30, 2020 — Duha ka bag-o nga kaso sang COVID-19 ang nadugang sa record sang Department of Health sa Western Visayas.
Base sa record, isa sa napositibo ang halin sa Iloilo City kag isa ang taga-Iloilo province.
Ang Western Visayas patient number 17, 44 anyos nga lalaki halin sa Jaro, Iloilo City nga may travel history sa Manila.
Si WV #18 naman, 51 anyos nga babaye halin sa Guimbal, Iloilo nga may close contact kay WV #2 nga taga-Guimbal man.
Sa kabug-usan, may 18 na ka COVID-19 cases sa rehiyon. Sa amo nga numero, 15 ang admitted, isa ang naka-recover kag duha ang napatay.