By: JoMaque | Marso 31, 2020

Culasi, Antique – Na-rescue ang anum ka mga commercial sex workers sa operasyon sang Culasi police sa videoke bar sa Barangay Centro Poblacion, Culasi sang Marso 29.

Suno kay Police Captian Bryan Alamo, hepe sang Culasi Police Station, may nabaton sila impormasyon nga may naga-transaction sa bar bisan may ginapatuman nga Enhanced Community Quarantine.

Base sa impormasyon nga nabaton ni Alamo, nagatawag lang ang mga kliyente sa manager sang commercial sex workers. Pag-abot sa bar, gilayon nga naga-diretso ang worker kag kliyente sa kwarto kag naga-inom-inom.

Gin-ako naman sang mga babaye nga ini ang ila trabaho. 22-anyos ang pinakalamharon sa ila samtang 32-anyos naman ang pinakatigulang.

Ginkumpirmar ni Alamo nga napasakaan na sang kaso nga human trafficking kag violation sa Enhanced Community Quarantine ang manager.

Gin-preso naman siya sa Culasi Police Station samtang ginturn-over sa DSWD ang mga workers.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply