Mga residente sang Guimbal, Iloilo, ginkonsiderar sang DOH 6 nga PUMs kasunod sang duha ka kaso sang COVID-19 sa banwa

By: Aine Grace Bravo | BBB

GUIMBAL, Ilo., March 31, 2020 — Ginakonsiderar nga persons under monitoring ukon PUMs sa COVID-19 ang tanan nga pumuluyo sang Guimbal.

Suno ini kay Dr. Renelyn Reyes, head sang Public Health Program Development sang DOH 6, kasunod sang duha ka positibo nga COVID-19 cases sa Guimbal.

Dapat suno kay Reyes nga i-monitor ang kondisyon sang tanan nga residente sang banwa.

Ang mga PUMs ang dapat nga magpa-idalum sa 14 ka adlaw nga home quarantine kag ginalaygayan nga mag-practice sang social distancing kag proper hygiene.

Una nga nagpositibo ang 65 anyos nga anay seafarer kag ginkumpirmar sang DOH kahapon nga nagpositibo man ang 51 anyos nga kabulig nga babaye sang una nga pasyente.