Pag-release sang social pension sang mga indigent senior citizens, temporaryo nga gin-suspend sang DSWD bangud sang COVID-19

By: JoMaque | Marso 31, 2020

Iloilo City — Temporaryo nga gin-suspend sang Department of Social Welfare and Development ang pag-release sang social pension sang mga indigent senior citizens.

Suno kay May Castillo, spokesperson sang DSWD 6, ginduso ang lihok agud malikawan ang pagtipon bangud sang coronavirus disease threat.

Kada anum ka bulan makabaton sang P3,000 nga social pension ang mga senior citizens.

Suspended man ang pag-release sang social pension sang mga senior citizens nga wala pa nakabaton sang 2019.

Suno kay Castillo, may mga senior citizens nga wala pa nakabaton halin sang 2019 bangud gin-validate liwat ang listahan sang mga beneficiaries.

Marso 15 tubtub Abril 14 gin-suspend ang pag-release sang social pension.

Nagapadayon naman ang Aid to Individual in Crisis Situation (AICS) sang DSWD kag ang assistance para sa mga 4Ps beneficiairies.