By: JoMaque | April 1, 2020

GUIMBAL, Iloilo– Ginpasiguro ni Mayor Oscar Garin nga wala sang lockdown sa Guimbal bisan pa ginakonsiderar sang DOH 6 nga persons under monitoring (PUMs) sa COVID-19 ang mga pumuluyo sa banwa.

Kasunod ini sang pahayag ni DOH 6 Director Marlyn Convocar nga may local transmission na sang COVID-19 sa Guimbal. Sa interview sang mga katapu sang media kay Convocar kahapon, Marso 31, iya ginpa-athag nga nakasulod sa definition sang local transmission ang ikaduha nga COVID-19 patient sang Guimbal nga may close contact sa una nga pasyente.

Suno kay Mayor Garin, maayo kuntani kun makasarang ang gobyerno sa pagpakaun sang mga residente kun dumilian sila nga maguwa sa ila balay.

Imbes nga lockdown, hugtan sang LGU ang pagpatuman sang Enhanced Community Quarantine.

Istrikto man suno kay Mayor Garin nga ginapatuman ang home quarantine sa lugar sa diin naga-istar ang confirmed cases sang COVID-19.

Sang Marso 30, ginkumpirmar sang DOH 6 nga nagpositibo sa COVID-19 ang 51 anyos nga kabulig nga babaye sang 65 anyos nga anay seafarer, ang una nga kaso sa Guimbal. Padayon suno kay Garin ang monitoring sa mga nagka-close contact sa mga pasyente.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply