By: Aine Grace Bravo | via Aksyon Radyo Iloilo

ILOILO, April 1, 2020 — Nagpasar sang ordinansa ang Sangguniang Panlalawigan nga naga-require sa mga pumuluyo sa probinsya sang Iloilo nga maggamit sang face mask kun magkadto sa pampubliko nga lugar.

Ini bangud sang ginapatuman sang probinsya nga Enhanced Community Quarantine.

Tuyo sang Provincial Ordinance Number 2020-225 nga maproteheran ang pumuluyo bangud wala mahibaluan kun sin-o ang may dala nga COVID-19.

SA ILOILO CITY

Nagpaguwa man sang Memorandum Order No.105 series of 2020 si Iloilo City Mayor Jerry Treñas nga nagamandu sa mga punong barangay sa syudad nga ipatuman ang iya EO No. 060 nga naga-require sa mga residente nga magsuksok sang face mask kun magkadto sa pampubliko nga mga lugar.

Nagpa-andam si Treñas nga manabat ang punong barangay nga mapaslawan sa pagpatuman sang mandu.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.