By: Aine Grace Bravo | via Hotline

GUIMBAL, Ilo., April 1, 2020 — Normal sa gihapon ang sitwasyon sa Guimbal bisan ginpahayag sang Department of Health 6 nga persons under monitoring (PUMs) ang mga residente sa banwa matapos na-record ang tatlo na ka kaso sang COVID-19 kag na-establisar ang local transmission sang virus.

Suno kay Lt. Nelson Caro, hepe sang Guimbal Municipal Police Station, antes pa man ang pahayag sang DOH6 kahapon, maid-id na nga ginasunod ang mga guidelines sa pagpatuman sang enhanced community quarantine.

Isa ka tawo lang sa kada balay ang ginapasugtan nga magguwa.

Wala man suno sa iya ginabalabagan ang mga nagalabay sa dalan nga halin sa iban nga banwa nga mapadulong sa siyudad kag vice versa pati na ang mga health workers kag iban pa nga nagatrabaho sa banwa.

May ginbutang lang suno sa iya nga disinfectants sa karsada bilang tikang man kontra sa virus.

Sa subong suno kay Caro, nagahulat pa sila sang dugang nga guidelines matapos gindeklarar ang mga taga-Guimbal nga mga PUMs.

Una na ginpahayag ni Guimbal Mayor Oscar Garin nga indi magpatuman sang lockdown sa banwa.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.