Mga LGUs, pwede makapasa sang listahan sang mga benepisaryo sang Social Amelioration Program bisan lampas na sa Abril 3 nga deadline

By: Aine Grace Bravo | via Aljohn Torreta

ILOILO CITY, April 2, 2020 — Mahimo makasumiter ang mga Local Government Units sa DSWD 6 sang listahan sang mga target beneficiaries sang Social Amelioration Program bisan lampas na sa deadline buwas, Abril 3.

Suno kay DILG 6 Director Ariel Iglesia, dapat magsumiter ang mga LGUs sa deadline apang kun mapaslawan, dapat tinguhaan nila nga makasumiter gilayon.

Ang deadline nga Abril 3 base sa DILG Memo Circular Number 2020-065 para madasig man nga mabaton sang mga beneficiaries ang ayuda sang gobyerno.

Indi naman ma-penalize ang mga local officials kun mapaslawan sa pagsunod sa DILG memo may kaangtanan sa pagsumiter sang listahan suno kay Iglesia.

          Ang LGU ang nagapanglista sang target beneficiaries sang programa suno sa DSWD..//