By: Aine Grace Bravo | via The Medical City Iloilo

ILOILO CITY, April 3, 2020 — Good news!!!

Nakaguwa na sa ospital ang una nga COVID-19 survivor sa Panay.

Gin-anunsyar sang The Medical City Iloilo nga nag-negatibo na sa COVID-19 ang pasyente base sa resulta sang iya tests, kag naka-recover na rason nga gin-discharge na sa ila facility.

Ang survivor, 65 anyos nga babaye, amo ang ikatatlo nga COVID-19 patient sa Western Visayas kag una nga kaso sang Iloilo City.

Base sa record sang Department of Health 6, may travel history sa Manila ang survivor. Marso 8 sang nagpanalakit ang iya lawas, ginhilanat kag gin-ubo siya, kag Marso 16 sang gin-admit sa ospital. Marso 24 sang nakumpirmar nga positibo siya sa COVID-19.

Sa Facebook post sang The Medical City Iloilo subong nga adlaw, ila ginpasalamatan ang mga healthcare workers, critical team kag ang workforce sang ospital sa ila kaisog kag kaayo nga ginapakita sa subong nga tiempo.

Ginpasalamatan man sang ospital ang Iloilo City kag Iloilo Provincial Government, mga pribado nga kompaniya, organissyon kag private individuals nga nagsuporta sa TMC.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.