By: Aine Grace Bravo via| Farrah Mae Morano

DINGLE, Ilo., April 4, 2020 — Patay ang 11-anyos nga batanga lalaki matapos nagpaligo sa Suage River sa Brgy. Abangay, Dingle las 2:15 kahapon sang hapon, Abril 3.

Suno kay PCaptain Fernando Punsalan Jr. sang Dingle MPS, nagpaligo si alyas Toto, sang Brgy. Caayuan, Pototan, upod ang iya nga abyan sa suba sang natalupangdan sang iya nga abyan nga nalumos na si Toto.

Gilayon nga nagpangayo sang bulig ang iya abyan sa mga pumuluyo nga malapit sa suba bangud indi niya masarangan salbaron si Toto.

Nagresponder man ang Dingle BFP kag Dingle police.

Gindala pa sa ospital si Toto pero gindeklarar nga napatay las 3:30 sang hapon.

Base sa panaysayon sang iloy ni Toto sa pulis, naandan na nila nga sugoon si Toto nga maglawig sang karabaw kada las-2 sang hapon gani nakibot na lang siya sang nahibaluan nga nagpaligo kag nalumos ang iya bata sa suba.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.