By: JoMaque | Abril 4, 2020

Lambunao, Iloilo – Ginbantayan 24/7 sang Lambunao police ang balay sang COVID-19 patient sa banwa.

Kasunod ini sang report nga nabaton sang Lambunao Police nga ginbato ang balay sang COVID-19 patient kagab-i, Abril 3.

Suno kay Police Staff Sergeant Jessie Fusin, imbestigador sang Lambunao Police Station, nakabaton sila sang tawag halin sa concerned citizen nga nagapahibalo sa natabu.

Gilayon sila nga nag-responder sa lugar. Wala nag-atubang ang miyembro sang pamilya sa mga pulis.

Indi ma-establisar suno kay Fusin kon ginbato gid man ang balay bangud wala man sang may nakita nga tawo.

Anum ka kaso sang COVID-19 ang halin sa Lambunao lakip ang isa ka napatay.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply