By: JoMaque | Abril 5, 2020

ILOILO CITY – May ginsunod nga patakaran ang mga simbahan sa idalum sang Archdiocese sang Jaro para sa Palm Sunday buwas, Abril 5, sa tunga sang ginapatuman nga Enhanced Community Quarantine bangud sa COVID-19.

Suno kay Father Angelo Colada sang Social Communications sang Archdiocese sang Jaro, ginatuman gihapon nila ang guideline nga wala sang public gathering.

Ang ginhimo sang simbahan, gintipon sang mga coordinators sa kada barangay ang mga palma, ginpangalanan kag gindala sa simbahan para mabendisyunan buwas.

Sa mga indi makahingagaw nga magpadala suno kay Father Colada, mahimo nga magpamati sang misa sa radyo ukon magtan-aw sa social media. Ang importante suno kay Father Colada, amo ang pangamuyo sang pari nga nagabendisyon sa palma.

Ang Palm Sunday amo ang adlaw sa pagdumdom sa pagsulod ni Hesukristo sa Herusalem sa diin ginsugata siya sang mga tawo, lakip na sang kabataan, samtang nagawagayway sang mga palma kag nagakanta sang Hosana.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply