By: Aine Grace Bravo | via Francisco Enar

ILOILO CITY, April 6, 2020 — Naabtan sang naga-roving nga pulis ang anay construction worker nga nagapatong sa railing sang taytay sa Brgy Sooc, Arevalo las 9:40 kaina sang aga.

Ginkilala ang lalaki kay alyas Mel, 43 anyos sang nasambit nga barangay.

Suno kay Police Staff Sergeant Robelyn Astros, assigned sa Arevalo Police Station, nakita niya ang lalaki nga nagatindog sa railing sang taytay samtang naga-conduct sila sang monitoring sa lugar.

Ginhingagaw ni Astros nga istoryahon ang lalaki kag gin ulo-uluhan. Ginpasakay sang pulis sa motorsiklo ang lalaki, gindala sa police station, ginpakaon kag gin-turn over sa DSWD.

Sang ginpamangkot sang pulis si Mel sang rason sang iya pagpatong sa railing sang taytay, ginsugid niya nga ginpalayas siya sa ila balay.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.