By: JoMaque | Abril 6, 2020

Iloilo — Napatay ang lapsag nga ginbilin sa kisame sang comfort room sa Calinog District Hospital sang Biernes, Abril 3.

Suno kay Dr. Armando Dumdum, Chief of Hospital, napatay ang lapsag las 11:30 kahapon sang aga, Abril 4.

Masapol pa si Dr. Dumdum sa resident doctor sang ospital agud mahibaluan ang gintunaan sang kamatayon sang lapsag.

BACKGROUND

Suno kay Calinog Mayor Francisco Calvo, may mag-tiya nga nagkadto sa ospital agud magpa-check up.

Naglisensya ang hinablos nga ginabanta 19-anyos nga mapa-CR pero nadugayan siya sa sulod.

Base sa imbestigasyon sang kapulisan suno sa alkalde, mamuhin lang kuntani ang 19-anyos nga babaye nga taga-Bingawan apang nagbun-ag siya kag ginbilin ang lapsag sa kisame sang CR bangud sa kakulba.

Nakit-an sang personnel sang ospital ang lapsag sa kisame nga wala pa nautod ang umbilical cord.

Madasig nga gindala sa OB-ER ang lapsag agud nga malimpyuhan kag ma-utod ang pusod. Nakita man nga may lagob sa ulo ang lapsag.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply