By: Aine Grace Bravo | via Hotline

ILOILO CITY, April 6, 2020 — Ginabanta sa 50 ka libo ka mga health care workers na ang nabuligan sa libre sakay program sang Department of Transportation (DOTr) sa bilog nga pungsod samtang ginapatuman ang enhanced community quarantine bangud sa COVID-19.

Suno kay Land Transportation Office 6 Director Eric Tabaldo, 50% sang mga nabuligan ang yara sa Luzon, samtang 50 porsyento naman sa iban nga rehiyon lakip na ang Western Visayas.

Sa siyudad sang Iloilo, nagsugod na sa pagbiyahe ang pito ka units sang buses sa Libre Sakay sang LTO para sa mga health care workers.

Gin-athag ni Tabaldo nga indi lang mga health care workers ang maka-avail sang libre sakay, kundi mangin iban nga hospital personnel pareho sang guwardiya kag janitors. Magpakita lang suno sa iya sang ID ang personnel sa mga bus driver nga nakaplastar sa mga plazas sa siyudad.

Ginpahayag ni Tabaldo nga kun maplastar na ang libre sakay sa siyudad sang Iloilo, ma-coordinate man sila kay Iloilo Governor Arthur Defensor, Jr. para man sa Libre Sakay sa Iloilo Province.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.