By: JoMaque | Abril 6, 2020

Nag-trending ang Facebook post sang Ilonggo designer nga si Ram Silva nga nagapakita sang iya gin-obra nga “Money Heist”-inspired personal protective equipment (PPEs) para sa mga frontliners sa Iloilo City.

Si Silva ang nag-desinyo sang amo nga PPE upod ang iya team para ihatag sa mga frontliners.

Suno sa iya, samtang ginatapos niya ang iya nga 14-day quarantine, ginpakamaayo niya nga mag-obra sang mga PPEs para makabulig siya sa mga frontliners.

Sang Marso 14 nag-abot halin sa Manila si Silva kag gilayon nga nag-self quarantine sa iya apartment.

Gin-ako man ni Silva nga na-experience man niya ang anxiety attack bangud gulpi lang nagsirado ang iya negosyo bangud sang COVID-19 crisis.

Naka-obra sang masobra 2,050 ka PPEs ang team ni Silva nga ginhatag sa mga ospital.

Sa karon, padayon nga naga-obra sang PPEs si Silva kag iya team para ipanghatag sa mga frontliners.

Ginpanugyan ni Silva nga bisan ara sa balay nga naga-quarantine kinahanglan gid nga mangin productive kag mindful sa subong nga sitwasyon.

Gin-athag ni Silva nga ang “Money Heist” mask wala nalakip sa ginhatag niya nga complete PPEs kundi ginhimo lang ini nga props para pampa-goodvibes.

Ang Money Heist ang crime drama series sa Netflix.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply