By: JoMaque | Abril 6, 2020

Western Visayas — Nagsaka na sa 34 ang na-record nga kumpirmado nga coronavirus disease (COVID-19) sa Western Visayas.

Sa data sang Department of Health 6 Center for Health Development Center kahapon, Abril 5, tag-isa ang dugang nga nagpositibo sa siyudad kag probinsya sang Iloilo.

Na-record naman ang tag-isa ka kaso sa Capiz kag Aklan.

Si WV 31 ang 94-anyos nga lalaki halin sa Miag-ao. Padayon siya nga admitted sa ospital kag may pneumonia.

Si WV 32 naman ang 40-anyos nga lalaki halin sa Kalibo, Aklan. Nakabiyahe sa Manila si WV 32 nga naga-quarantine sa subong.

Lunsay naman may close contact sa COVID-19 patients kanday WV 33 kag WV 34.

Si WV 33, 25-anyos nga lalaki halin sa Roxas City, Capiz ang may close contact kay WV 20 nga napatay sang Marso 28.

Nakabiyahe man sa Manila si WV 33 nga gina-quarantine.

PInakaulihi nga nagdugang sa record sang DOH 6 si WV 34, 59-anyos nga lalaki halin sa Mandurriao. Si WV 34 ang close contact WV 11 nga napatay naman sang Marso 21.

Padayon nga ginabulong sa ospital si WV 34 nga may hypertension kag diabetes. Nagsugod na ang contact tracing sang LGU kag DOH.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply