By: JoMaque | Abril 8, 2020

Barotac Nuevo, Iloilo – 11 ka mga tawo ang na-trace sang Municipal Health Office sang Barotac Nuevo nga nagka-contact sa ikaduha nga COVID-19 patient sang banwa.

Suno kay Dr. Ronnie Philip Brodit, Municipal Health Officer sang Barotac Nuevo, lakip sa 11 ang 9 ka miyembro sang pamilya sang pasyente kag duha ka kabulig.

Naga-edad sang 25-anyos si WV 36 kag na-admit sa Barotac Nuevo District Hospital pero estable man ang kondisyon.

Base sa contact tracing sang MHO, may manghod ang pasyente nga nagpauli halin sa Manila, pero wala sang sintomas sang COVID-19 ang manghod.

Ginpaidalom na sa home quarantine ang 11 ka mga nagka-contact sa pasyente.

Padayon pa ang contact tracing sang MHO sa iban pa nga posible may contact sa pasyente.

Ginpahayag man ni Brodit nga wala sang contact si WV 36 kay WV 10, ang una nga kaso sang COVID-19 sa banwa nga napatay sang Abril 5.

Sa subong, duha na ang kaso sang COVID-19 sa Barotac Nuevo.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply