COVID-19 cases sa Pilipinas, 3,764 na as of April 7
By: Aine Grace Bravo | via DOH
MANILA, April 7, 2020 — 104 ang bag-o nga COVID-19 cases nga nadugang sa record sang Department of Health, base sa las-kuwatro kaina sang hapon nga bulletin sang ahensya.
Suno kay Health Secretary Francisco Duque III, may kabug-usan na nga 3,764 cases sang COVID-19 sa bug-os nga pungsod.
Nagdamo naman ang naka-recover nga nadugangan sang 11 subong nga adlaw. Bangud sini, 84 na tanan ang nag-ayo sa balatian.
Pero nadugangan ang mga napatay sang 14, nga nagadala sang total COVID-19 deaths sa 177.