COVID-19 cases sa Western Visayas, 36 na as of April 7

By: Aine Grace Bravo | via DOH

ILOILO CITY, April 7, 2020 — Duha ka bag-o nga kaso sang COVID-19 ang nalista sang Department of Health Western Visayas subong nga adlaw.

Ang duha ka bag-o nga kaso, naghalin sa Antique kag Iloilo province.

Si Western Visayas 35, amo ang 74 anyos nga lalaki halin sa Caluya nga may travel history sa Manila. Diabetic kag asthmatic ang pasyente nga estable na ang kondisyon. Siya ang labing una nga COVID-19 case sa Antique.

Si Western Visayas 36 naman, 25-anyos nga babaye halin sa Barotac Nuevo nga estable na ang kondisyon nga naka-admit sa ospital. Nagahimo pa sang contact tracing kag imbestigasyon ang mga health authorities upod sa Local Government Unit kun paano na-infect sang virus ang pasyente. Siya ang ika-13 nga kaso sang COVID-19 sa Iloilo province kag ikaduha sa Barotac Nuevo.

Sa kabug-usan may 36 na kaso sang COVID-19 sa Western Visayas, lakip ang anum ka napatay kag tatlo ka naka-recover.