By: Aine Grace Bravo | via DOH

ILOILO CITY, April 7, 2020 — Ginkumpirmar sang Department of Health 6 nga may local transmission na sang COVID-19 sa Iloilo City.

Suno kay Dr. May Ann Sta. Lucia, head sang Health Promotions Cluster sa DOH6, nagsantu sa definition sang local transmission sang World Health Transmission ang sitwasyon sa syudad.

Suno sa WHO, ma-classify ang local transmission kun yara lang sa locality ang source sang infection.

Dugang ni Dr. Sta. Lucia, kinahanglan indi man magnubo sa duha ang recorded COVID-19 patients halin sa nagkalain lain nga mga barangay sa banwa ukon syudad.

Sa bulletin nga gin-release sang DOH6 sang Abril 5, apat na ang COVID-19 cases sa Iloilo City kag isa sa mga pasyente ang napatay.

Suno kay Dr. Sta. Lucia, ginpa-idalum na sa Enhanced Community Quarantine ang bug-os nga syudad.

Kinahanglan na lang sang mas mabaskog nga implementasyon sini.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.